Ёш 40 дан ошганидан кейин амал қилиш керак бўлган одатлар

^{Фото: «Домашний очаг»}
40 ёшдан кейин нафақат саломатлик балки руҳий ҳолат ҳам меъёрида бўлишига эътибор қаратиш, турли муаммолар келиб чиқмаслиги ҳамда фаол ҳаёт кечириш учун организм ҳақида қайғуриш керак.

Ҳаддан ортиқ кўп ухлаш
Уйқунинг етарли эмаслиги гормонал, ҳазм жараёни билан боғлиқ муаммолар ва депрессия билан боғлиқ экани сабаб ҳам 8 соатдан кам бўлмаган уйқу муҳим саналади. Ётоқхона қоронғи ва салқин бўлиши керак.

Кўпроқ сув ичиш
40 ёшдан кейин метаболизм секинлашгани сабаб ҳам сув ичишни канда қилмаслик керак. Кун давомида 1-2 литр сув ичишингиз қийин бўлса, таркибида суюқлик кўп бўлган мева ва сабзавотлар: помидор, тарвуз, бодринг, булғори қалампири ва кўкатлар истеъмол қилинг.

Жисмоний машқлар
35 ёшдан кейин мушаклар бўшашади, суяклар эса мўртлаша бошлайди. Бу ўзгаришларга қарши тура олиш учун эса ҳеч бўлмаганда ҳафтада бир марта спорт билан шуғулланиш керак.

Кўпроқ оқсил
Рационингизда метаболизм ва мушаклар мустаҳкам бўлишида муҳим рол ўйнайдиган оқсил бўлишига эътибор қаратинг.

Кўрикдан ўтиш
Ҳар саккизинчи аёл дуч келиши мумкин бўлган кўкрак саратонини ўтказиб юбормаслик учун мунтазам равишда маммограмма текширувидан ўтиб туриш керак. Қолаверса, касалликдан дарак бериши мумкин бўлган ҳар қандай симптомларга бефарқ бўлмаслик керак.

Юрак саломатлиги ҳақида қайғуринг
Статистик маълумотларга кўра ҳар учинчи аёл юрак хуружидан вафот этади. 40 ёшдан кейин эса юрак билан боғлиқ муаммолар кўп кузатилади. Айнан шу сабаб ҳам мунтазам равишда кардиограмма қилдириб туриш ва кўрикдан ўтиш керак.

Тери аҳволига эътиборли бўлинг
40 ёшдан кейин теридаги турли хол ва доғларни кўздан кечириб туриш, шунингдек, нафақат ёз, балки бошқа фаслларда ҳам қуёшнинг ультрабинафша нурларидан ҳимояланиб юриш керак. “Замин” янгиликларини “Одноклассники”да кузатиб боринг