Фото: Freepik
Иш самарадорлиги ошиши ва вазифаларни чалғимасдан бажаришга ҳисса қўшадиган маҳсулотлар ҳақида маълумот бериб ўтамиз.
Қора шоколад
Таркибида 70 фоиздан кам бўлмаган какаога эга қора шоколад диққатни жамлаш учун энг самарали маҳсулотлардан саналади. Какаода тетиклашишга ёрдам берадиган кофеин, стрессни бартараф қилиб, эндорфин ҳамда серотонин ажралишини рағбатлантирадиган магний мужассам бўлади. Шу сабаб ҳам унинг истеъмолидан кейин кайфият кўтарилади, юклатилган вазифани бажариш учун эътибор ошади.
Авокадо
Фойдали ёғларга бой саналган авокадо мия фаолияти учун жуда ҳам аҳамиятли саналади, диққатни жамлашга ёрдам беради. Қолаверса, ушбу мевада яллиғланиш жараёнларида самара берадиган, мия ҳужайраларини шикастланишдан сақлайдиган антиоксидантлар бисёр бўлади. Агар олдинда сизни вазифа ва зўриқишларга бой кун кутаётган бўлса, тонгни авокадо билан қарши тавсия қилинади.
Ёнғоқ
Ёнғоқлар фойдали омега-6 ёғ кислоталари ҳамда ўсимлик оқсилининг кони ҳисобланади. Тўқ тутгани сабаб ҳам унинг истеъмолидан кейин одамнинг қорни узоқ вақт давомида очмайди, мия фаолиятини жадаллаштиради. Мутахассислар ҳамиша ёнингизда ёнғоқ олиб юришни маслаҳат беради. Ушбу оддий, аммо фойдали тамадди билан кун охиригача энергияга тўла бўласиз, диққат ва эътиборли бўлиш доимгидан сезиларли даражада кўпаяди.
Кўк чой
Кўк чой асаб тизимини рағбатлантириб, диққатни оширадиган фойдали моддаларнинг кони саналади. Таркибида кофеин ва теанин мўл экани сабаб тетиклашишга ёрдам беради, бисёр бўлган антиоксидантлар эса яллиғланиш жараёнлари ҳамда мия ҳужайраларини шикастланишдан сақлайди. Аммо уйқу билан боғлиқ муаммоларни келтириб чиқариши мумкин экани сабаб кечаси истеъмол қилиш тавсия қилинмайди.
Зиғир уруғи
Зиғир уруғида мия учун аҳамиятли бўлган омега-3 ёғ кислотаси бошқа маҳсулотларга қараганда сезиларли даражада кўп бўлади. Қолаверса, мияни озиқлантириб, диққатни оширадиган магний, B гуруҳи витаминлари ва клетчаткаларга ҳам бой экани билан ўзига хосдир. Ҳазм бўлиши қийинлиги учун уни майдаланган ҳолда салат, шўрва, йогурт ёки смузига қўшиб истеъмол қилинса, мақсадга мувофиқ бўлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шимолий Корея Россияга узоққа зарба берувчи қуроллар юборди
Ким Чен Ин ҳарбийларни жанговар ҳолатда туришга чақирди
Рашида Толиб Конгресс аъзоларига «аччиқ ҳақиқат»нинг суратини кўрсатди
Эрон АҚШдан 1 трлн доллар компенсация талаб қилди
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Туркия Исроил президенти самолётини ҳаво ҳудудига киритмади
Дунёнинг машҳур аёллари кунни қандай бошлайди?
Омега-3 қандай қилиб озишга ёрдам беради?
