Британиянинг йирик инвестициявий ҳолдинги Ўзбекистон бозорига кирмоқчи

Ўзбекистон элчиси Равшан Усмонов Британиянинг етакчи инвестициявий ҳолдингларидан бири – United Green Group ташкилотининг инвестициялар бўйича бош директори Албрехт Фришеншлагер билан учрашув ўтказди.

Албрехт Фришеншлагернинг айтишича, United Green Group ҳолдинги Ўзбекистон билан инвестициявий ҳамкорлик ўрнатишдан манфаатдор.

Томонлар ҳамкорликнинг аниқ йўналишларини белгилаш учун United Green Group ва Ўзбекистоннинг тегишли вазирлик ҳамда идоралари ўртасида ишчи алоқаларни ўрнатиш бўйича келишувга эришдилар.

United Green Group'га ХХ асрнинг бошида Британияда асос солинган. У ҳозирги кунда энергетика, автомобилсозлик, савдо, кўчмас мулк, қишлоқ хўжалиги ва тижорат соҳасида фаолият олиб бормоқда. Холдинг ўзининг бой тажрибаси, инновацион ёндашувлари ва кенг кўламли фаолияти орқали халқаро миқёсда кўплаб лойиҳаларни муваффақиятли амалга оширган.

Фото: "Дунё" АА