Ўзбекистоннинг олтин экспорти тарихий рекордга чиқди

Жорий йилнинг биринчи етти ойида Ўзбекистон 7,58 миллиард долларлик олтин экспорт қилди. Бу ўтган йилнинг шу даврига нисбатан 80,9% кўпдир. Шу тариқа, 2025 йилнинг ярмидаёқ 2024 йилдаги кўрсаткичдан (7,48 миллиард доллар) ошди.

Экспорт динамикасига кўра: февралда 1,73 миллиард доллар, мартда 1,84 миллиард доллар, апрелда 1,91 миллиард долларлик олтин сотилган. Май ойида 1,01 миллиард долларлик экспорт амалга оширилди. Июнда эса сотув тўхтаб, аксинча 9 тонна олтин сотиб олинди. Июл ойида экспорт 1,09 миллиард долларни ташкил этди.

Умумий ҳисобда йил бошидан буён 18 тонна олтин экспорт қилинди. 1 август ҳолатига кўра, мамлакат захиралари 48,74 миллиард долларни ташкил этди. Шу жумладан, олтин захиралари 38,68 миллиард доллар, валюта захиралари эса 8,48 миллиард доллар бўлди.

Нодирбек Раззоков

«ЗАМИН.УЗ» муҳаррири