Вазирлар Маҳкамасининг “Ички ишлар органлари патруль-пост хизмати саф бўлинмалари фаолиятини янада такомиллаштириш чора-тадбирлари тўғрисида”ги қарори қабул қилинди.
Ички ишлар вазирлиги, Қорақалпоғистон Республикаси Вазирлар Кенгаши ва вилоятлар ҳокимликларининг:
- ички ишлар органлари патруль-пост хизмати саф бўлинмаларининг нарядлари томонидан патруль хизматини фақат авто ва мототранспорт воситаларида олиб боришга ўтказиш учун зарур бўлган транспорт воситалари билан босқичма-босқич таъминлаш;
- отрядларни хизмат отлари, тегишли транспорт воситалари ва анжомлар билан таъминлаш;
- Жиззах, Самарқанд, Сирдарё, Навоий вилоятлари ички ишлар бошқармалари патруль-пост хизмати саф бўлинмалари таркибида ташкил этиладиган отлиқ отрядларни ушбу ички ишлар бошқармаларига тегишли бўлган ер майдонларида барпо этиладиган бино ва иншоотларда, Тошкент вилояти ички ишлар бош бошқармаси патруль-пост хизмати саф бўлинмаси таркибида ташкил этиладиган отлиқ отрядни эса Ички ишлар вазирлиги Жазони ижро этиш департаментига тегишли бўлган ер майдонида барпо этиладиган бино ва иншоотларда жойлаштириш;
- Қорақалпоғистон Ички ишлар вазирлиги, Бухоро, Фарғона, Қашқадарё, Сурхондарё вилоятлари ички ишлар бошқармаларининг патруль-пост хизмати саф бўлинмалари таркибида ташкил этиладиган отлиқ отрядларни жойлаштириш учун Нукус ва Бухоро шаҳарлари, Фарғона, Қарши, Термиз туманлари ҳудудида қишлоқ хўжалигига мўлжалланмаган 1 гектардан захира ер майдонларини Қорақалпоғистон Ички ишлар вазирлиги ҳамда тегишли вилоятлар ички ишлар бошқармаларига доимий фойдаланиш ҳуқуқи билан қонунчилик ҳужжатларида белгиланган тартибда ажратиш тўғрисидаги таклифлари маъқулланди.
Белгиланишича:
- ички ишлар органлари патруль-пост хизмати саф бўлинмалари отлиқ отрядларининг штат бирликлари Қорақалпоғистон Ички ишлар вазирлиги, Тошкент вилояти ички ишлар бош бошқармаси ва вилоятлар ички ишлар бошқармалари амалдаги штат бирликлари доирасида шакллантирилади;
- 2023-2026 йилларда ички ишлар органлари патруль-пост хизмати саф бўлинмаларини авто ва мототранспорт воситалари, хизмат отлари ва анжомлар билан таъминлаш дастури доирасида отлиқ отрядларга қорабайир зотли отлар мазкур соҳага ихтисослашган маҳаллий ташкилотлар томонидан етказиб берилади.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ Исроилнинг икки вазирига санкция қўлламоқчи
Яхши пишган ва мазали анор танлашга ёрдам берадиган тавсиялар
Энди операциядан сўнг кесмалар ўрни икки баробар тезроқ битиши мумкин
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
Буйрак саломатлиги учун энг фойдали сабзавот...
Apple донгдор икки айфонини расман эскирган деб эълон қилди
