Фарғонада уйининг томорқасида 125 туп кўкнори парваришлаб келган аёл ушланди

Фарғона вилояти Фурқат туманида тақиқланган ўсимликларни парваришлаб келаётган шахс аниқланди. Бу ҳақда вилоят Ички ишлар бошқармаси хабар қилди.

Маълум қилинишича, 6 июнь куни туман ИИБ ходимлари томонидан тезкор тадбир ўтказилган. Тадбир давомида «Эшон» қишлоғида яшовчи М.Г. исмли аёлнинг яшаш хонадони холислар иштирокида кўздан кечирилганда, хонадон томорқасида 125 туп кўкнори гиёҳвандлик ўсимликларини парваришлаб келаётгани аниқланиб, далилий ашё тариқасида олинган.

Ҳолат юзасидан Фурқат тумани ИИБ ҳузуридаги тергов бўлинмаси томонидан Жиноят кодексининг 270-моддаси (тақиқланган экинларни етиштириш) 1-қисми билан жиноят иши қўзғатилиб, тергов ҳаракатлари олиб борилмоқда. «Замин»ни Telegram’да ўқинг!