Ўзбекистон ва Саудия Арабистони ўртасида ҳафтасига 14 та авиарейс қўйилиши кутиляпти. Бу ҳақда «O'zbekiston 24» телеканали эфирида транспорт вазири ўринбосари Жасур Чориев маълум қилди.
Саудияда туриб телеканал мухбирига интервю берган вазирлик вакилининг айтишича, президентнинг давлат ташрифи доирасида авиақатновлар борасида меморандум имзоланган. Унга кўра, икки мамлакат ўртасида ҳафтасига 14 та авиарейс қатнови йўлга қўйилиши кутилмоқда.
Рейслар Ўзбекистондан Саудиянинг Ар Риёд, Жидда ва Мадина шаҳарларига амалга оширилади. Ўзбекистоннинг қайси шаҳарларидан рейс қўйилиши ҳозирча маълум эмас.
Жасур Чориев шу вақтгача Ўзбекистондан Саудияга фақат ҳаж ва умра зиёрати учун рейслар қўйилгани, эндиликда бошқа мақсадда борувчилар ҳам, хусусан, тадбиркорлик билан шуғалланадиганлар ҳам парвозлардан фойдаланиши мумкинлигини айтган.
«Менимча» телелойиҳасида Шавкат Мирзиёев Саудиянинг «Flynas» авиакомпанияси бошқарув кенгаши раиси Айед Тавоб ал Жиайд билан қилган мулоқоти ҳам кўрсатилди. Унда Ўзбекистон президенти саудиялик тадбиркордан Ўзбекистонда фаолият бошлаш учун нима тўсиқ бўлаётганини сўраб, ҳаммаси жойида бўлса, амалий ишларни тезроқ бошлашни сўради.
«Flynas» раҳбарининг айтишича, Жиддадан Тошкентга сентябр ойидан бошлаб ҳафтасига учта рейс қўйиш борасида келишиб олинган. Шунингдек, компания бошқарув раиси саудияликларга Ўзбекистоннинг гўзал жойларини сайёҳлик йўналиши сифатида таклиф қилинишини айтган. Шавкат Мирзиёев «Flynas»га барча шароит яратиб берилишини айтиб, бошқа ҳеч бир хорижий авиакомпанияга бундай эркинлик тақдим этилмаганини таъкидлади.
Аввалроқ саудияликлар учун Ўзбекистонга боришда визасиз режим жорий қилинганди. Унга кўра, саудияликлар 30 кун давомида Ўзбекистонда визасиз бўлиши мумкин. Янги тартибга кўра Ўзбекистонга келган саудияликлардан бу вақт ичида Саудияга ёки учинчи давлатга жўнаш учун чипталари бўлишигина талаб қилинади.
Президент сафар давомида Саудия Арабистони иқтисодиётининг муҳим тармоқлари бўлган яна кўплаб корхона ва ташкилот раҳбарлари билан ҳам очиқ мулоқот ўтказган. Видеода булар ҳақида батафсил маълумот берилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Рашида Толиб Конгресс аъзоларига «аччиқ ҳақиқат»нинг суратини кўрсатди
Эрон АҚШдан 1 трлн доллар компенсация талаб қилди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Шимолий Корея Россияга узоққа зарба берувчи қуроллар юборди
Ким Чен Ин ҳарбийларни жанговар ҳолатда туришга чақирди
Хатолар ва мағлубиятлар... улар кечириладими?
Омега-3 қандай қилиб озишга ёрдам беради?
