Шавкат Мирзиёев 5 нафар офицерга генерал унвонини берди

^{Фото: Президент матбуот хизмати}
Мудофаа вазири, ички ишлар вазири ва ДХХ раисининг бир нафардан ўринбосарлари ҳамда икки қўмондонга генерал-майор унвони берилди. Шунингдек, Бош прокурор ўринбосарларидан бири ва Қорақалпоғистон прокурорига “III даражали давлат адлия маслаҳатчиси” махсус унвони топширилди.

Қуролли Кучлар Олий Бош қўмондони Шавкат Мирзиёев 14 январ – Ватан ҳимоячилари куни афарасида ҳарбийлар ва ҳуқуқни муҳофаза қилувчи органлар ходимларидан бир гуруҳига янги унвонлар берди.

Тўрт нафар ҳарбий мулозим генерал-майор ҳарбий унвонини олди:

• мудофаа вазирининг тарбиявий ва мафкуравий ишлар бўйича ўринбосари полковник Қаршиев Ҳамдам Алиқулович;
  
• Марказий ҳарбий округ қўмондони полковник Саидов Ойбек Озодович;
  
• Шимоли-ғарбий ҳарбий округ қўмондони полковник Шерматов Фарҳоджон Ортиқович;
  
• ДХХ раиси ўринбосари Мухторов Фаррух Шаҳобиддинович.

<sup>Қаршиев Ҳамдам Алиқулович / Фото: Президент матбуот хизмати

Шерматов Фарҳоджон Ортиқович / Фото: Президент матбуот хизмати

Мухторов Фаррух Шаҳобиддинович / Фото: Президент матбуот хизмати</sup>
Ички ишлар вазири ўринбосари – Жамоат хавфсизлиги департаменти бошлиғи Абдуллаев Бекмурод Тожимирзаевич генерал-майор махсус унвонини олди.

Бош прокурор ўринбосари Йўлдошев Эркин Тўрақулович ва Қорақалпоғистон Республикаси прокурори Тожиев Эркабай Аминовичга “III даражали давлат адлия маслаҳатчиси” махсус унвони (генерал-майор унвонига тенг) топширилди.

<sup>Йўлдошев Эркин Тўрақулович / Фото: Президент матбуот хизмати

Тожиев Эркабай Аминович / Фото: Президент матбуот хизмати</sup>
Ҳарбий унвонларни Олий Бош Қўмондон Шавкат Мирзиёев топширди. “Замин” янгиликларини “Telegram”да кузатиб боринг