2023 йилнинг якунлари бўйича дунё бўйлаб сайёҳлар сони 1,3 млрд кишини ёки пандемиядан олдинги даражанинг (2019 йилда 1,5 млрд киши) 88 фоизини ташкил қилди. Шу билан бирга, 2023 йилда жаҳонда шаклланган юқори туристик талаб ва нархларнинг ўсиши фонида туризм секторидан тушган даромадлар 1,4 трлн АҚШ долларига тенг бўлди (2019 йилдаги даромадларнинг 93 фоизи).
Марказий банк тайёрлаган «Пул-кредит сиёсати шарҳи»да қайд этилишича, 2023 йил якуни бўйича Ўзбекистонга ташриф буюрган сайёҳлар сони 6,6 млн кишини ташкил этиб, олдинги йилга нисбатан 27 фоизга ўсган (2022 йилда – 5,2 млн киши).
Туристларнинг асосий оқими (79 фоизи) қўшни мамлакатлар – Қозоғистон, Қирғизистон ва Тожикистон ҳиссасига тўғри келади. Одатда ушбу давлатлардан аксарият сайёҳлар қариндошларни йўқлаш, даволаниш, ўқиш ва савдо қилиш мақсадида ташриф буюради.
Қолган хорижий мамлакатлардан келган сайёҳларнинг улуши сўнгги йилларда 15-20 фоиз атрофида шаклланмоқда. Узоқ мамлакатлардан келаётган туристларнинг ташрифидан асосий мақсад саёҳат бўляпти.
Марказий банк Шарҳига кўра, туристлар томонидан амалга оширилган харажатлар иқтисодиётда сафарлар экспортида ўз аксини топади. 2023 йилда жами хизматлар экспортида сафар хизматлари улуши 41 фоизга етиб, 2,1 млрд долларни ташкил қилган.
Бунда, Ўзбекистонга ташриф буюрган бир сайёҳнинг ўртача қилган харажати 2023 йилда 323 долларга (Сайёҳларнинг ўртача қилган харажати умумий сафарлар экспортини мамлакатга ташриф буюрган туристлар сонига нисбати орқали ҳисобланган) тўғри келиб, олдинги йилга нисбатан 5 фоизга ошди.
«Ўсиб бораётган туристик оқим иқтисодий ўсишга ижобий таъсир кўрсатиб, хизматлар соҳаси кўлами кенгайиши, бандликни ошиши, хизматлар хилмахиллиги ва сифати ошиб боришига туртки беради.
Шу билан бирга, ушбу тенденция ички бозорда қўшимча истеъмол талабини вужудга келтиради. Бунда, истеъмол товарлари, хусусан озиқ-овқат маҳсулотлари ва транспорт хизматлари таклифини ошириб борилиши, келгусида истеъмол нархларига инфляцион босимни юзага келишини олдини олади», – дейилади иқтисодий шарҳда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Бўстонлиқда қўнғир айиқ ўлдириб кетилди
Марказий банк: қўнғироққа жавоб бериш билан картадаги пуллар автоматик ечиб олинмайди
Қидирувдаги автомашинанинг Навоий шаҳрида ҳаракатланганлиги аниқланди
Кўпроқ пенсия олиш учун нима қилиш керак?
UzAuto Motors компаниясига вақтинчалик раҳбар тайинланди
Ўзбекистонга импорт қилиниши тақиқланган хавфли маҳсулотлар
“Мутлақо махфий”: Комил Алламжоновга уюштирилган суиқасд бўйиа жиноят иши судда кўрилмоқда
ФВБ бошлиғи 160 минг АҚШ доллари олаётганда қўлга олинди
