Тошкентда ҳаракатланиб кетаётган машиналар устига дарахт шохи қулади

^{Фото: Ижтимоий тармоқлар}
Тошкент шаҳар ИИББ ЙҲХБ Яккасарой туманида содир бўлган йўл-транспорт ҳодисаси юзасидан маълумот берди.

Қайд этилишича, 25 ноябр куни соат 16:30 ларда Яккасарой тумани Юсуф Хос Ҳожиб кўчасидаги «Корзинка» савдо мажмуаси қаршисида Cobalt ҳамда Forthing русумли транспорт воситалари ҳаракатланиб кетаётган вақтида автомашиналар устига қуриган дарахт шохи қулаб тушган.

Йўл-транспорт ҳодисаси оқибатида Cobalt транспорт воситасининг йўловчисига биринчи тиббий ёрдам кўрсатилган.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда. «Шу ўринда барча ҳайдовчилардан куз-қиш мавсумида транспорт воситаларини дарахтлар ва қурилиш майдонлари яқинида қолдирмасликларини сўраб қоламиз», — дейилади хабарда. «Замин»ни Telegram’да ўқинг!