Навоийдаги АГНКС давлат газини ўғирлади

Навоий вилоятидаги бир автогаз қуйиш шохобчаси давлатга тегишли табиий газни ноқонуний тарзда ўғирлагани аниқланди, деб «Ўзэнергоинспекция» ахборот хизмати хабар берди.

Ҳодиса Навбахор туманида рўй берган. «Ўзэнергоинспекция» ва вилоят прокуратураси ҳамкорлигида ўтказилган текширув давомида, маҳаллий АГНКСда газ ҳисоблагич қурилмасига ташқи таъсир кўрсатувчи ускуна ўрнатилгани маълум бўлди.
Газ сарфини ҳисоблаш мажмуасига кирувчи ва чиқувчи қувурларда махсус қурилма ўрнатилган бўлиб, у ҳисоблагични нотўғри кўрсатишга мажбурлаган.

Ҳуқуқни муҳофаза қилувчи органларнинг дастлабки ҳисоб-китобига кўра, шу тарзда 26 миллиард 27 миллион сўмлик табиий газ ўғирланган. Ҳозирда ушбу ҳолат юзасидан тергов ишлари олиб борилмоқда. «Замин»ни Telegram’да ўқинг!