Хоразмда дрифт қилган ҳайдовчи жаримага тортилди

Хоразмда йўлда хулиганлик қилган ҳайдовчи аниқланиб, жазоланди, деб Nova24.uz хабар берди.

Вилоят ЙҲХБ ахборотига кўра, Cobalt русумидаги автомашина ҳайдовчиси йўлда хавфли манёвр амалга ошириб, авария ҳолатини келтириб чиқарган. Унинг таниши эса бу жараённи ёнма-ён ҳаракатланаётган машинадан видеога олган.

Ҳайдовчи автомобилни бошқара олмай, ёндаги ҳаракатланаётган машинага қараб кескин бурилган. Кейинроқ мазкур видеони фуқаро ижтимоий тармоқларда тарқатган.

Ҳуқуқни муҳофаза қилувчи органлар томонидан ҳайдовчи аниқланиб, унинг автомобили жарима майдонига олиб кетилган. Ҳайдовчига маъмурий баённома тузилиб, 128-10-модда (Йўлда хулиганлик) бўйича иш қўзғатилган.

Унга ҳайдовчилик ҳуқуқидан маҳрум этиш ва 25 БРВ (9 375 000 сўм) миқдорида жарима солиниши мумкин. «Замин»ни Telegram’да ўқинг!