Сертификати бор абитуриентларга имтиҳонда қанча вақт берилади?

Сертификати мавжуд бўлган абитуриентларга тест синови вақти имтиёзга қараб қисқартирилади, деб Talimxabarlari.uz хабар берди.

Абитуриент ечиши керак бўлган ҳар бир тест саволига 2 дақиқадан вақт ажратилади. Аммо агар унда муайян фанлардан сертификат ёки имтиёз бўлса, ушбу фанлар бўйича тестдан озод этилади ва ҳар бир савол учун 2 дақиқадан ҳисоблаб, умумий вақтдан айириб ташланади.

• 3 та мажбурий фан (жами 30 та савол) учун — 60 дақиқа (1 соат)
• 2 та мутахассислик фанлари (жами 60 та савол) учун — 120 дақиқа (2 соат)
• Жами — 180 дақиқа (3 соат)

Агар абитуриентда чет тили ёки бошқа мутахассислик фанидан имтиёз бўлса, у тестдан озод қилинади ва мутаносиб равишда 60 ёки 120 дақиқа вақти қисқартиради.

Мажбурий фанлар — она тили ва адабиёт, тарих, математика — бўйича сертификат бўлса, ҳар бир фан учун 20 дақиқа камайтирилади. Масалан, 2 та фан бўйича озод этилган бўлса — 40 дақиқа, 3 та бўлса — 60 дақиқа қолмайди.

Касбий (ижодий) имтиҳон топширадиган абитуриентларга фақат мажбурий фанлар учун 1 соат вақт берилади.

Жавобларни белгилаш учун алоҳида вақт берилмайди, ҳаммаси умумий вақт ичида амалга оширилади. «Замин»ни Telegram’да ўқинг!