Тошкент вилояти Бўстонлиқ туманида тезкор ва қўшма тадбир давомида Ўзбекистондан ноқонуний йўл билан 8 бош тирик лочин олиб чиқишга уриниш ҳолати аниқланди. Бу ҳақда вилоят божхона бошқармаси хабар берди.
Маълум қилишларича, божхона контрабандага қарши курашиш бўлими ходимлари Давлат хавфсизлик хизмати ва Чегара қўшинлари ҳарбийлари билан ҳамкорликда олиб борилган тадбирда, аввалдан кузатув остида бўлган шахс “Оқтош” қўриқлов пунктида давлат чегарасини ноқонуний кесиб ўтишга уринган вақтда тўхтатиб қолинди.
Шахснинг сумкасини белгиланган тартибда ва холислар иштирокида кўздан кечирганда, 8 бош тирик лочин аниқланди ва ҳужжатлаштирилди. Қушларни яширин равишда олиб ўтишга уринган шахс уларга нисбатан шафқатсиз муносабатда бўлгани маълум бўлди: кўз ва оёқлари боғлаб қўйилган, қанотлари скотчланган ва тор сумкага сиғдирилган эди.
Мазкур лочинлар Ўзбекистон Қизил китобига киритилган бўлиб, ҳозирда улар Тошкент ҳайвонот боғига топширилди. Ҳодиса юзасидан божхона органлари томонидан тергов ва суриштирув ишлари олиб борилмоқда.
Бу воқеа ноқонуний ҳайвон савдоси ва контрабандага қарши курашнинг аҳамиятини яна бир бор кўрсатиб, табиат ва қадрли ҳужайраларни асраб-авайлаш лозимлигини кўрсатмоқда.
«Замин»ни Telegram’да ўқинг!
