Алимент тўловчи ва чет элга чиқиш қоидалари

Алимент тўловчи шахс доимий яшаш ёки уч ойдан ортиқ муддатга чет давлатга чиқса, қонунга кўра алимент олувчилар билан келишув тузиши шарт, деб ёзмоқда Баҳодир Аҳмедов телеграм каналида. Бу Оила кодекси 145-моддасида белгиланган.

Агар келишувга эришилмаса, суд алимент миқдорини қатъий суммада белгилаши, алиментни бир йўла тўлаш ёки мол-мулк беришни талаб қилиш имконини беради.

Қонунчиликда алимент тўловчининг ҳам ҳуқуқлари ҳимоя қилинган. У илмий конференция, қисқа саёҳат ва шунга ўхшаш қисқа муддатли чиқишлар учун рухсатга эга бўлиши мумкин, фақат узоқ муддатли четга чиқишда юқоридаги қоидалар амал қилади.