Самарқанд вилоятининг Тайлоқ туманида юз берган фожиали йўл-транспорт ҳодисаси бўйича суд ҳукми эълон қилинди. Тергов маълумотларига кўра, “Lacetti” русумли автомобил ҳайдовчиси 21 июнь куни соат 19:00 атрофида Дўстлик маҳалласида тезликни ошириб, йўл четида турган 5 ёшли болани уриб юборган ва воқеа жойидан қочиб кетган.
Қизалоқ олган оғир тан жароҳатлари оқибатида воқеа жойида ҳалок бўлган.
Суд мажлисида айбланувчи маст ҳолатда бўлганини тан олган ва ўз қилмиши учун пушаймонлигини билдирган. Шунингдек, у марҳуманинг оила аъзоларидан кечирим сўраган ва моддий аҳволи оғирлигини ҳисобга олишни сўраган.
Суд ҳайдовчининг илгари ҳам жиноят содир этганини ва хавфли ҳаракат орқали инсон ҳаётига таҳдид келтирганини инобатга олди.
Ҳукмга кўра, у беш йил олти ой муддатга озодликдан маҳрум этилди ва жазони ўтаб бўлгач, икки йил давомида транспорт воситасини бошқариш ҳуқуқидан маҳрум бўлади.
Мутахассислар яна бир бор ҳайдовчиларни спиртли ичимлик истеъмол қилган ҳолда рулга ўтирмасликка ва ҳаракат қоидаларига қатъий риоя қилишга чақирмоқда.
“Zamin”ни Telegram'да ўқинг!
