Қаршидаги кафеда тонгда ёнғин келиб чиқди

Қашқадарё вилоятининг Қарши шаҳрида жойлашган кафеда ёнғин содир бўлди, деб хабар берди вилоят Фавқулодда вазиятлар бошқармаси.

Маълумотларга кўра, ҳодиса 9 ноябрь куни соат 08:02 да “Чўлқувар” маҳалласи Ислом Каримов кўчасида жойлашган ишлаб чиқариш цехи ҳудудидаги кафеда юз берган. Ҳолат ҳақидаги хабар тушгач, 5 та ёнғин-қутқарув экипажи ва 2 та махсус техника соат 08:06 да жойга етиб борган.

Ҳозирги вақтда ёнғинни бартараф этиш ишлари амалга оширилган, расмий маълумотларга кўра, ҳодиса оқибатида ҳеч ким жароҳат олмаган.

Мутахассислар ёнғин келиб чиқиш сабабларини аниқлаш бўйича текширув бошлаган.

Kamola Shuhratova

«ZAMIN.UZ» муҳаррири