Қашқадарё вилоятининг Ғузор туманида содир бўлган йўл-транспорт ҳодисасида 9 киши ҳалок бўлгани ҳақидаги хабарлар асоссиз экани маълум қилинди, деб хабар берди Ички ишлар вазирлиги.
Маълумотларга кўра, воқеа Сурхондарёдан Тошкент йўналишида ҳаракатланган “Sobalt” автомобили “Nexia-2” билан тўқнашиши натижасида юз берган. Ҳодиса оқибатида 6 нафар фуқаро шифохонага етказилган бўлиб, шулардан бири тан жароҳатлари туфайли вафот этган. Қолган беморларга эса тиббий ёрдам кўрсатилган.
ИИВ маълумотини кўра, интернетда тарқалган “9 киши ҳалок бўлди” деган маълумот ҳақиқатга тўғри келмайди.
Ҳозирда мазкур воқеа юзасидан Жиноят кодексининг 266-моддаси — йўл ҳаракати қоидаларини бузиш одам ўлимига сабаб бўлган ҳолат бўйича жиноят иши қўзғатилган. Тергов ҳаракатлари давом этмоқда.
“Zamin”ни Telegram'да ўқинг!
