Бугун, 11 ноябрь куни Тошкент шаҳрининг Юнусобод туманида Lacetti русумли автомобил ёниб кетди, деб хабар берди пойтахт Фавқулодда вазиятлар бошқармаси.
Маълумотларга кўра, ҳодиса соат 11:07 атрофида Чинобод кўчасида содир бўлган. Ҳолат ҳақидаги хабар келиб тушгач, ёнғин-қутқарув хизмати гуруҳлари соат 11:14 да жойга етиб борган ва атиги икки дақиқа ичида ёнғин тўлиқ бартараф этилган.
Расмий маълумотларга кўра, воқеа натижасида ҳеч ким жароҳат олмаган. Мутасаддилар ҳозирда ёнғин сабабларини ўрганиш билан шуғулланмоқда.
Ҳодиса пойтахтдаги автомобил хавфсизлиги ва техник назорат масалаларига яна бир бор жиддий эътибор қаратиш зарурлигини эслатмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
