Қирғизистоннинг Манас туманида 8 ноябрь куни кутилмаган ва дахшатли воқеа содир бўлди. 19 ёшли қиз ўпишув пайтида ўзидан 7 ёш катта севгилисининг тилини тишлаб, узиб олган.
Жалолобод вилояти клиник шифохонаси директори Қумар Ботокараевнинг маълум қилишича, йигит оғир жароҳат билан шифохонага етказилган.
“Беморнинг тил учи ва пастки лаб қисми тишланган ҳолда келтирилди. Дарҳол жарроҳлик амалиёти ўтказилди ва жароҳатли жойлар тикланди. Ҳозир у жағ-юз жарроҳлиги бўлимида даволанмоқда. Тилни тиклаш мумкин бўлади. Амалиётимда ўпишиш вақтида бундай ҳолат илк бор кузатиляпти”, — деган шифокор.
Ички ишлар бўлими маълумотига кўра, жабрланувчи 26 ёшда, қиз эса 19 ёшда бўлган. Улар ҳодисадан аввал дўстларининг тўйида бўлишган ва спиртли ичимлик истеъмол қилишган.
Терговчиларнинг сўзларига кўра, қиз ўпишув пайтида йигитни қаттиқ тишлаб, унинг тили ва лабига шикаст етказган. Ҳар иккиси ҳам соғлом, руҳий касаллик белгилари аниқланмаган.
Манас туман Ички ишлар бўлими тергов бошлаган ва суд-тиббий экспертиза тайинланган. Тергов ҳаракатлари ҳозирда давом этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
