Тошкентда вояга етмаган қизни фоҳишаликка мажбурлаш ҳолати акс этган видео ижтимоий тармоқларда тарқалди ва жамоатчиликда катта ғазаб уйғотди, деб хабар берди Ички ишлар бошқармаси.
Маълум бўлишича, видеода тасвирланган аёллар шахси аниқланган. Тергов жараёнида аввал жиноят учун судланган, 2004 йилда туғилган Ш.Т. исмли аёл 2008 йилда туғилган М.М.ни Тошкентнинг Мирзо Улуғбек туманидаги хонадонда мажбурлаб ушлаб тургани маълум бўлган.
У қизнинг телефонини олиб сотган ва унинг ожиз аҳволидан фойдаланиб, фоҳишаликка мажбурлаб келган.
Ҳодиса юзасидан жиноят иши қўзғатилди. Ш.Т.га нисбатан қатор моддалар — одам савдоси, озодликдан ғайриқонуний маҳрум қилиш ва талончилик бўйича айб қўйилган ҳамда у қамоққа олинган.
Ҳозирда жабрланувчи қизга Ижтимоий ҳимоя миллий агентлиги Андижон вилояти бўлими томонидан психологик, ҳуқуқий ва ижтимоий ёрдам кўрсатилмоқда.
Ҳуқуқни муҳофаза қилувчи органлар мазкур жиноят бўйича тергов ҳаракатларини давом эттирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
