Тошкент вилоятида хотинига нисбатан зўравонлик содир этган эркак қўлга олинди, деб хабар берди мутасаддилар. Маълумотларга кўра, 22 октябрь куни “Кўксарой” маҳалласида яшовчи 33 ёшли Р.Қ. оилавий келишмовчилик туфайли аёли Н.Ш.нинг ёнига ов қуроли билан бориб, унга таҳдид қилган ва тан жароҳати етказган.
Текширув жараёнида эркак 2021 йилдан буён Овчилик жамияти аъзоси бўлгани, қурол эса расман унга тегишли экани аниқланган. Ҳодисадан сўнг у Жиноят кодексининг 109-моддаси 2-қисми билан жавобгарликка тортирилди.
Шунингдек, айбланувчининг овчилик гувоҳномаси бекор қилинди ва ТОЗ-34 русумли қурол мусодара қилинди. Суд-тиббий экспертиза хулосасига кўра, жабрланувчида ҳаётга хавф туғдирмайдиган, қисқа муддатли носоғломликка олиб келган енгил жароҳатлар борлиги тасдиқланган.
Ҳолат вилоят ички ишлар идораси назоратига олинган, Оҳангарон тумани терговчилари суриштирувни давом эттирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
