Тошкент вилоятида яшовчи қарздор фуқаро ўзининг уйидан маҳрум бўлиш арафасида қолди. Маълумотларга кўра, у банкдан олган кредитини ўз вақтида қайтармагани учун унинг гаровдаги кўчмас мулкига ундирув қаратилди.
Зангиота туманлараро суди ижро ҳужжатига кўра, қарздор ЯТТ “Ипак йўли банк” фойдасига 307 миллион сўмдан зиёд қарзни тўлаши шарт эди. Аммо қарз ўз вақтида қопланмагани боис, қарздорга тегишли бўлган Тошкент туманидаги уй гаров мулки сифатида хатланди.
Ижро иши қўзғатилган куннинг ўзида қарздорга ихтиёрий равишда қарзни тўлаш учун имконият берилган, бироқ у талабни бажармаган. Шу сабабли, мулкка банд қўйилиб, ҳужжатда кўрсатилган тартибда сотувга тайёрланди.
Ҳозирда ушбу уй 375 миллион сўмлик бошланғич баҳода онлайн аукционга чиқариш жараёни амалга оширилмоқда. Мутахассислар қарздорлик билан боғлиқ бундай ҳолатларда мулкдорлар қонун талабларига қатъий амал қилишини эслатмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
