Россиянинг Санкт-Петербург аэропортида фарғоналик йигит ушлангани ва унга нисбатан жиддий босимлар бўлаётgani ҳақида маълумотлар тарқалди. Facebook'да “Фарҳод Темиртирноқ” номи остидаги фойдаланувчи ёзишича, 2002 йилда туғилган йигит самолётга чиқмоқчи бўлган пайтда тўхтатилган ва унинг курткаси чўнтагига соат солиб қўйилгани айтилган. Шундан кейин у ўғирликда айбланиб қўлга олинган.
Маълумотга кўра, дам олиш кунлари бўлгани учун адвокат ёки таржимон билан таъминлаш имкони бўлмаган. Ҳозирда йигит мигрантлар учун вақтинча сақлаш марказида сақланмоқда ва унга ҳуқуқий ёрдам кўрсатилмаган.
Facebook’даги манба таъкидлашича, душанба куни суд бўлиб, унга икки вариант таклиф қилинаётгани айтилган:
ё 5 йилгача озодликдан маҳрум қилиш, ёки Украинадаги урушда иштирок этишга розилик.
Яна бир оғир маълумот сифатида, Фарғона вилоятининг Ўзбекистон туманидаги Элаш ва Гўштқишлоқ қишлоқларига урушда ҳалок бўлган яна тўрт нафар ватандошимиз жасадлари қайтарилгани қўшимча қилинган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
