Бухорода йўл-патрул хизмати инспектори билан ҳайдовчи ўртасидаги нохуш вазият кенг муҳокамага айланди. Маълум бўлишича, Ромитан туманида хизмат олиб бораётган кичик сержант Сайфиев Equinox бошқараётган ҳайдовчидан йўл беришни талаб қилиб, машинанинг чироқларини бир неча бор ўчириб-ёққан.
Бироқ воқеа шу билан чекланмаган. Инспектор ҳайдовчининг олд томонига ўтиб, унга асоссиз равишда “авария содир этдингиз” деган айбловни қўйган ва ҳеч қандай камерасиз уни йўл четига чиқишга мажбурлаган. Бу ҳаракатлар ҳайдовчида ҳақли саволлар уйғотди ва интернетда жиддий муҳокамани келтириб чиқарди.
Вилоят ЙҲХХ раҳбарияти бу ҳолатдан хабардор бўлгани айтилмоқда. Расмий маълумотга кўра, кичик сержант Сайфиевга нисбатан хизмат текшируви тайинланган. Текширув якунига кўра, инспекторнинг ҳаракатига қонуний баҳо берилиши билдирилган.
Ўқувчилар ўртасида “инспектор нега боди-камерасиз ҳаракат қилган?”, “айблов қаердан пайдо бўлди?” каби саволлар кўпаймоқда. Яқин кунларда вазият юзасидан расмий хулоса эълон қилиниши кутилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
