Жиззахда содир бўлган навбатдаги фожиавий ЙТҲ жамоатчиликни ташвишга солди. 23 ноябрь куни эрталаб, соат 08:10 ларда Амир Темур МФЙдан ўтувчи “Жиззах–Ғаллаорол” трассасида қайғули ҳодиса рўй берди.
ИИББ ЙҲХБ маълумотига кўра, 1998 йилда туғилган Matiz ҳайдовчиси олдиндаги автомобилни қувиб ўтмоқчи бўлиб, қарши йўлакка чиққан ва шу пайтда тўғридан-тўғри ҳаракатланиб келаётган ЗИЛ-130 юк машинаси билан қаттиқ тўқнашган.
Зарба оқибати оғир бўлди: Matiz ҳайдовчиси ва салондаги икки йўловчи ҳодиса жойида ҳалок бўлди. Қутқарув ва тиббий хизматлар жамоаси фожеадан сўнг тезкор равишда етган бўлса-да, уларнинг ҳаётини сақлаб қолиш имкони бўлмаган.
Мазкур ҳолат юзасидан Жиззах шаҳар ИИБ Тергов бўлими Жиноят кодексининг 266-моддаси 3-қисми “а” банди бўйича жиноят иши қўзғатди. Тергов ҳаракатлари олиб борилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
