Пахтаобод туман тиббиёт бирлашмасига нисбатан муҳим суд қарори чиқди — меҳнат жараёнида ҳалок бўлган тиббиёт ходимасининг қариндошига қарийб 796 миллион сўм компенсация тўлаб берилди. Бу ҳақда Aniq.uz хабар берди.
Маълумотларга кўра, тиббиёт ходимаси иш жараёнида йиқилиб оғир жароҳат олган ва даволанишига қарамай вафот этган. Марҳуманинг қизи онасининг меҳнат вазифасини бажариш вақтида ҳалок бўлганини асос қилиб судга мурожаат қилган ва иш Олий судгача етиб борган.
Олий суд ишни холис кўриб, Пахтаобод туман тиббиёт бирлашмасини марҳуманинг қизи — Ш.Я. фойдасига компенсация тўлаш мажбуриятини кучда қолдирди. Қарор ижросини амалга ошириш учун МИБ томонидан чоралар кўрилган, чунки ташкилот маблағни ихтиёрий тўламаган.
Мажбурий ижро натижасида 795 миллион 643 минг сўм тўлиқ ундирилди. Бу ҳолат меҳнат жараёнида ходимларнинг ҳаёти ва хавфсизлиги давлат томонидан алоҳида ҳимоя қилинишини яна бир бор тасдиқлайди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
