Шайхонтоҳурдаги икки қаватли бинода ёнғин чиқди

Тошкентнинг Шайхонтоҳур туманида жойлашган икки қаватли бинода кутилмаганда ёнғин кузатилди. Ҳодиса 26 ноябрь куни соат 14:54 да қайд этилгани ҳақида шаҳар ФВБ маълум қилди.

Чақирувдан сўнг, 4 та ёнғин-қутқарув бўлинмаси 15:03 да ҳодиса жойига етиб борган. Қутқарувчилар ёнғинни 15:09 да ўраб олган ва 15:15 да тўliq бартараф этган.

Олов тахминан 100 квадрат метр майдонга зарар етказган — бинонинг том қисми ва ички қисмлари ёниб жабрланган. Аммо ёнғин-ўчирувчиларнинг тезкор ва профессионал ҳаракатлари туфайли ёнғин янада кенгайишига йўл қўйилмаган.

Ҳозирда ёнғиннинг келиб чиқиш сабаблари ва зарар миқдори ўрганилмоқда. Тан жароҳати олганлар ҳақида маълумотлар келмаган.