Социал тармоқларда 11-сон ЖИЭКда жазо ўтаган маҳкум С.Ш. калтаклангани, оила аъзолари шифохонага киритилмаётгани ҳақида тарқалган хабарларга омбудсман томонидан расмий муносабат берилди.
Маълум қилинишича, маҳкум 23 ноябрь куни соғлиғи кескин ёмонлашгани учун РШТЁИМнинг Навоий филиалига колония ходимлари кузатуvida олиб келинган. Ҳолат ҳақида оиласига ҳам дарҳол хабар берилган.
Шифокорлар унга икки томонлама оғир бронхопневмония, юрак ишемик касаллиги ва 3-дарт ФС2 гипертония ташҳисини қўйган. 11-сон ЖИЭК маҳкумни саломатлиги жазо ўташга тўсқинлик қилаётгани сабабли озод қилиш таклифнамасини киритган ва 26 ноябрь куни Навоий шаҳар суди Жиноят кодексининг 75-моддаси 1-қисми асосида унни озод этган.
27 ноябрь куни маҳкумнинг укаси омбудсманнинг минтақавий вакилига мурожаат қилиб, блогер тарқатган хабарда ноаниқ маълумот бўлганини тан олган. Вакил шу куннинг ўзида шифохонага бориб, вазиятни ўрганган.
Айни вақтда видеомурожаат юзасидан Навоий махсус прокуратураси томонидан терговга қадар текширув амалга оширилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
