Фарғона нефтьни қайта ишлаш заводи ҳудудидаги 12-цехда ер остига кўмиб кетилган, тахминан 3–6 ойлик ҳомиланинг топилиши ҳудудда катта шов-шувга сабаб бўлди. Ҳодиса кеча, 28 ноябрь куни цех ходимлари дайди ит ковлаб чиққан жойни кўриб қолгани ортидан аниқланган.
Маълумотларга кўра, ходиса жойига шаҳар прокурори бошчилигидаги тергов гуруҳи чиқиб, ер майдони, ҳомила ва атрофдаги қонга ўхшаш доғлар ашёвий далил сифатида олинган. Дастлабки суд-тиббий экспертиза хулосасида ҳомиланинг 3–4 ойлик, ўғил бола жинсига мансуб экани, унинг она қорнида инфекция ва гипоксия натижасида ўлгани қайд этилган.
Ҳозирда ҳомиланинг онасини аниқлаш бўйича кенг қамровли суриштирув олиб борилмоқда. Шунингдек, сўнгги кунда “оборт” ёки сунъий туширишдан кейин тиббий мурожаат қилган аёллар рўйхати ўрганилмоқда. Завод ходимлари ҳам алоҳида текширувдан ўтказилади.
Прокуратура терговга қадар текширув устидан назорат ўрнатган. Бу воқеа қонунчилик, тиббий ёрдам ва жамиятдаги ахлоқий масалаларни яна бир бор кун тартибига олиб чиқмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
