Қозоғистоннинг Ақтўбе вилоятида 7 декабрь куни содир бўлган йўл-транспорт фожиаси шиддат билан жамоатчилик эътиборини тортди. Расмий маълумотларга кўра, ҳодиса маҳаллий вақт билан 08:57 да Айтекеби тумани ҳудудида, республика аҳамиятига эга шоссенинг 1028-чақириғида қайд этилган.
“Пермь–Тошкент” йўналишида ҳаракатланган Yutong русумли йўловчи автобуси бошқарувини йўқотиб, йўл ёнидаги ариққа ағдарилган. Оқибатда транспорт воситасида бўлган 49 нафар йўловчидан беш киши ҳалок бўлгани тасдиқланди. Марҳумлар орасида икки нафар Ўзбекистон фуқароси ҳам борлиги маълум қилинди.
Фавқулодда вазиятлар вазирлигига кўра, ҳодиса юзасидан Ўзбекистон ва Қозоғистон мутасадди идоралари иштирокида махсус ишчи гуруҳ шакллантирилган. Улар ҳалок бўлган фуқароларнинг жасадларини мамлакатга қайтариш, дафн маросимларида оила аъзоларига ёрдам бериш ва зарур ташкилий ишларини мувофиқлаштириш билан шуғулланмоқда.
Айни пайтда Ўзбекистон ФВВ ходимлари қозоғистонлик ҳамкасблари билан доимий мулоқотда бўлиб, автобуc ағдарилишига олиб келган омилларни ўрганиш, аниқ сабабларни белгилаш ва келгуси чора-тадбирларни таққослаш устидан иш олиб бормоқда.
Ҳодиса бу турдаги халқаро рейсларда хавфсизлик чораларини яна бир бор жиддий ўрганиш зарурлигини эслатиб қўйди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
