Тошкент вилоятида кучли таъсир қилувчи дориларни биологик фаол қўшимча сифатида қадоқлаб сотишга уринган шахс қўлга олинди. ДХХ Тошкент вилояти бўйича бошқармаси ва божхона органлари ўтказган тезкор тадбир давомида 1970 йилда туғилган фуқаронинг Учтепа туманидаги уйидан 1835 дона “Регапен” психотроп дори воситаси топилди.
Текширувда аниқланишича, ушбу дорилар таркибида прегабалин моддасининг юқори миқдорда бўлиши уларни кучли таъсир қилувчи ва назорат остидаги воситалар қаторига киритади. Шунга қарамай, шахс мазкур дориларни БАА (биологик фаол қўшимча) қутиларига солиб, дорихоналарда яширин тарзда сотмоқчи бўлган.
Ҳозирда гумонланувчига нисбатан Жиноят кодексининг 251¹-моддаси 5-қисми билан жиноят иши қўзғатилди ва унга “қамоқ” эҳтиёт чораси қўлланди.
Тергов ҳаракатлари давом этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
