Telegram’да охирги ойларда янги турдаги фирибгарлик кескин кўпайгани ҳақида UZCERT огоҳлантирди. Маълум қилинишича, фирибгарлар Telegram-гуруҳларидаги очиқ @username маълумотларини кузатиб, гуруҳга қўшилмасдан туриб фойдаланувчилар профилларини тўлиқ нусхаламоқда. Улар сурат, исм-фамилия, био ва ҳатто @username’ни ҳам айни шаклда қайтариб яратади.
Шундан кейин фирибгарлар нусхаланган профил орқали гуруҳ аъзоларига шахсий хабар юллаб, “шошилинч пул керак”, “қарз бериб туринг” каби баҳоналар билан бегона банк карталарига пул ўтказишни сўрайди. Таниқли одамдан келгандек кўрингани учун айримлар вазиятни текширмасдан маблағ юбориб, молиявий талафотга учраяпти.
UZCERT фойдаланувчиларга бир қатор хавфсизлик чораларини эслатди:
– Telegram ҳисобини 2FA орқали мустаҳкамлаш;
– телефон рақами, расм ва “last seen” маълумотларини бегона одамлардан яшириш;
– номаълум аккаунтлардан келган пул сўраш ёки “ютуқ” хабарларига ишонмаслик;
– ўша одамга пул юборишдан олдин унга алоқада тасдиқлаб олиш;
– apk/exe каби файлларни очишдан олдин манбасини текшириш;
– актив сессияларни мунтазам кўриб чиқиб, тушунарсиз қурилмаларни ўчириш.
Муттахассислар таъкидламоқда: фирибгарликнинг бу тури тез ёйилмоқда, эҳтиёт чораларини қўллаш эса ҳар бир фойдаланувчининг шахсий хавфсизлигини таъминлайди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
