Тошкентнинг Яшнабод туманида икки йил давомида ташландиқ ерни яшил ҳудудга айлантирган Арсен Аванесян кутилмаганда 82,4 миллион сўм жаримага тортилди. Энг ажабланарлиси — унга худудни яна аввалги ҳолатига, яъни бўш ва қаровсиз кўринишга қайтариш талаб қилинди.
Маълумотларга кўра, у 2022 йилдан бошлаб ўз маблағи эвазига ерни тозалаб, минглаб кўчат экиб, йўлкалар, ўриндиқлар, ёритиш тизими ва видеокузатув ўрнатган. Аҳоли ҳам ташаббусни қўллаб-қувватлаб, 300 га яқин киши ободонлаштириш ишларида ихтиёрий қатнашган. Лойиҳа учун умумий 1 миллиард сўмдан ортиқ маблағ сарфлангани айтилади.
Аванесяннинг сўзларига кўра, у маҳалла билан келишган ва ҳокимият ҳам ишдан хабардор бўлган. Аммо текширув идоралари унинг ҳаракатини ер қонунчилигига зид деб топди ва йирик жарима ҳисоблаб чиқди.
Ҳозирча мутасадди органлар вазият юзасидан расмий изоҳ бермаган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
