Бухоро вилоятида юракни титратувчи ҳодиса содир бўлди. Турмуш ўртоғи бошқа аёлга уйланмоқчи эканини айтганидан сўнг, икки фарзанди бор аёл оғир руҳий зарба олиб, ўзи ва болалари ҳаётига тажовуз қилишга уринди. Воқеа 9 март куни Юзон маҳалласида қайд этилган.
Дастлаб у катта ўғлини ариққа ташлаган, кейин эса кичик ўғлини қучоқлаб сувга сакраган. Ҳушёр йўловчилар тезкорлик билан болаларни қутқариб қолишган — тўнғични дарров сувдан чиқаришган, кичигини эса онаси билан бирга олиб чиққан. Ҳар икки бола шифохонага етказилган ва улар жиддий шикаст олмагани маълум қилинди.
Олий суд матбуот хизматига кўра, аёлга нисбатан Жиноят кодексининг 97-моддаси 25-қисми 2-банди — “Икки ёки ундан ортиқ шахсни ночор ҳолатда ўлдиришга суиқасд” билан жиноят иши очилган. Суд якунига кўра, у тўрт йил муддатга озодликдан маҳрум этилди.
Ҳодиса яна бир бор оилавий можаролар ва руҳий босим инсонни қай даражагача етиши мумкинлигини эсга солди. Жамоатчилик бу фожеани оғриқ билан қабул қилмоқда ва бундай ҳолатларда ёрдам сўраш қанчалик муҳим эканини қайд этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
