Сурхондарёда тўйда жанжал чиқди

Сурхондарё вилояти Бойсун туманидаги тўйда икки қишлоқ фуқаролари ўртасида жанжал бўлиб ўтди. Мурожаатга кўра, тўй маросимидан сўнг, меҳмонлар билан ўзаро низо келиб чиққан ва улар бир-бирини уриб, ҳақоратлаган.

Бойсун туманидаги "Хўжаидод" маҳалласидаги тўйдан кейин тўрт киши ва қўшни маҳалладан бир неча одам ўртасида жанжал бўлган. Ҳодиса маҳалла оқсоқоллари ва профилактика инспектори аралашуви билан тинчлантирилган, фуқароларнинг уйларига тарқалиши таъминланган.

Ҳеч қандай жисмоний жароҳат ёки жабрланишлар бўлмаган. Профилактика инспектори томонидан тушунтириш ишлари олиб борилиб, яраштириш иши амалга оширилган.