Номаълум APK файллардан эҳтиёт бўлинг: шахсий маълумотлар хавф остида

1 дақиқа ўқиш198
Номаълум APK файллардан эҳтиёт бўлинг: шахсий маълумотлар хавф остида

Сўнгги кунларда мессенжерлар ва ижтимоий тармоқлар орқали турли номлар остида тарқатилаётган APK файллар билан боғлиқ фирибгарлик ҳолатлари кўпаймоқда. Мутахассислар бу каби файллар орқали фойдаланувчиларни алдаш, шахсий маълумотларни қўлга киритиш ва молиявий хавфсизликка жиддий таҳдид солиш ҳолатлари кузатилаётганини таъкидламоқда. Бу ҳақда Ўзкомназорат расмий огоҳлантириш берди.

Маълум қилинишича, шубҳали APK файллар кўпинча инсон қизиқишини уйғотадиган номлар билан тарқатилмоқда. Хусусан, “Байрамга таклифнома”, “Сенинг расмларинг”, “Суд чақируви” каби сарлавҳалар остида юборилаётган файллар фойдаланувчини шошма-шошарлик билан уларни очишга ундаши мумкин. Аммо бундай файллар қурилмага ўрнатилгандан сўнг телефондаги шахсий маълумотларни ўғирлаши, ижтимоий тармоқ аккаунтларига рухсатсиз кириши ёки банк иловалари орқали молиявий зарар етказиши эҳтимоли юқори.

Мутахассислар файл манбаси аниқ ва ишончли бўлмаган тақдирда, уни очмаслик ва умуман ўрнатмасликни қатъий тавсия қилмоқда. Чунки ҳатто оддий кўринган илова ҳам ортида хавфли дастур яширинган бўлиши мумкин.

Агар шубҳали APK файл аллақачон қурилмангизга ўрнатилган бўлса, қуйидаги чораларни зудлик билан кўриш тавсия этилади:
— интернет алоқасини ўчириш ёки телефонни парвоз режимига ўтказиш;
— телефон созламалари орқали шубҳали иловани дарҳол ўчириб ташлаш;
— агар муаммо сақланиб қолса, қурилмани текшириш учун мутахассисга мурожаат қилиш.

Шунингдек, фойдаланувчиларга хавфсизликни таъминлаш мақсадида фақат расмий манбалар — илова дўконлари орқали дастур юклаб олиш, номаълум ҳаволалардан келган файлларни очмаслик ва телефондаги хавфсизлик созламаларини доимий равишда текшириб бориш тавсия этилмоқда.

Мутахассислар яна бир бор эслатмоқда: ҳар қандай APK файл потенциал хавф манбаи бўлиши мумкин. Шу боис, эҳтиёткорлик ва онгли ҳаракат — шахсий маълумотларингизни ҳимоя қилишда энг асосий қоида ҳисобланади.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?