Жиззах вилоятида юк автомобиллари иштирокидаги оғир йўл-транспорт ҳодисаси инсон ўлимига олиб келди. Фожеа 17 декабрь куни тунги соат 03:20 ларда Шароф Рашидов тумани ҳудудидан ўтувчи «Тошкент–Термиз» автомобиль йўлида содир бўлган.
Маълумотларга кўра, Самарқанддан Тошкент томон дори-дармон маҳсулотларини ташиб кетаётган Isuzu русумли юк машинаси олдиндан ҳаракатланаётган Howo юк автомобили тиркамасига бориб урилган. Дастлабки тахминларга кўра, ҳодисага Isuzu ҳайдовчисининг рулда ухлаб қолиши сабаб бўлган.
Тўқнашув оқибатида Isuzu ҳайдовчиси, 1996 йилда туғилган Ш.М. оғир тан жароҳатлари олиб, воқеа жойида ҳалок бўлган. Ҳозирда ҳолат юзасидан тегишли суриштирув ишлари олиб борилмоқда.
Мутахассислар ҳайдовчиларни, айниқса тунги соатларда, чарчоқ ва уйқучанлик ҳолатида рулга ўтирмасликка чақирмоқда. Бир лаҳзалик беэътиборлик оғир оқибатларга сабаб бўлиши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
