Мажбурий ижро бюроси Тошкент вилояти бошқармаси томонидан суд ва бошқа органлар ижро ҳужжатлари ижросини ўз вақтида ва тўлиқ таъминлаш мақсадида ИИБ ЙҲХБ ходимлари билан ҳамкорликда Autocon тадбирлари ўтказилмоқда. Ускуна ёрдамида қарздорлиги мавжуд бўлган автомашиналар тезкор тарзда аниқланиб, белгиланган тартибда чоралар кўрилмоқда.
Жорий йилнинг ноябрь ойидан бошлаб ўтказилаётган тадбирлар давомида:
- 3 236 та ижро ишлари юзасидан қидирувда бўлган,
- умумий қиймати 17, 6 млрд. сўмлик 241 та автотранспорт воситалари топилиб, жарима майдонларига жойлаштирилди.
Топилган автотранспорт воситаларнинг 154 таси, яъни жами 7,3 млрд. сўм қийматдаги автомашиналар банклар фойдасига ундирувлар билан боғлиқ ижро ишларига тааллуқлидир.
Қарздорликлар белгиланган муддатларда бартараф этилмаслиги автотранспорт воситаларининг электрон онлайн-аукцион савдолари орқали сотилишига сабаб бўлиши мумкинлиги юзасидан қарздорларга тушунчалар берилмоқда.
Ҳозирда бу каби тадбирлар вилоятнинг барча туман ва шаҳарларида изчил давом этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
