Тошкент шаҳрининг Чилонзор туманида кеча тунги пайт икки нафар Cobalt ҳайдовчиси ўртасида йўл талашиш оқибатида жанжал келиб чиқди. Ҳодиса ижтимоий тармоқларда тарқалган видеолар орқали жамоатчилик эътиборини тортди.
Маълум бўлишича, 21 декабрь куни соат 23:30 атрофида КҲАЙ кўчасида икки автомашина ҳайдовчилари ва уларнинг йўловчилари ўзаро тортишиб қолган. Жанжал вақтида қатнашувчилар йўл ҳаракати қоидаларига беписандлик билан муносабатда бўлиб, жамоат тартибини бузган.
Яхшиямки, воқеа оқибатида жароҳат олиб шифохонага мурожаат қилганлар аниқланмади. Ҳолат юзасидан Чилонзор тумани ички ишлар бўлими томонидан Маъмурий жавобгарлик тўғрисидаги кодекснинг 183-моддаси асосида маъмурий баённома расмийлаштирилди.
Мутахассислар ҳайдовчиларни йўлда сабрли бўлишга, тортишув ўрнига қоидаларга амал қилишга чақирмоқда. Йўл — баҳс майдони эмас.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
