Тошкент шаҳридаги Tashkent City мажмуасида тонг соатларида ёнғин ҳолати қайд этилди. Шайхонтоҳур тумани ҳудудида жойлашган мажмуада контейнер ёнаётгани ҳақида хабар келиб тушгани ортдан қутқарув хизматлари зудлик билан ҳаракатга ўтди.
Маълум қилинишича, 6 январь куни соат 08:55 да Ботир Зокиров кўчасида, Tashkent City’нинг 2-лот қисмида контейнердан ёнғин чиққан. Хабарни олган пойтахт фавқулодда вазиятлар хизмати техникалари атиги икки дақиқа ичида воқеа жойига етиб борган.
Қутқарувчиларнинг тезкор ҳаракатлари натижасида ёнғин соат 09:01 да тўлиқ ўчирилган. Ҳодиса оқибатида жабрланганлар йўқ, одамлар ҳаётига хавф туғилмаган.
Айни пайтда ёнғин келиб чиқиш сабаблари ҳамда етказилган моддий зарар миқдори аниқланмоқда. Расмийлар вазият тўлиқ назорат остида бўлганини таъкидламоқда.
“Zamin”ни Telegram'да ўқинг!
