Қарши тумани ҳокимлиги лавозимида кадрлар ўзгариши рўй берди. Туман ҳокими вазифасини бажарувчи этиб Турсунов Жасур Санжарович тайинланди. Бу ҳақда тегишли қарор қабул қилинган.
Янги ҳоким ўз фаолиятини бошлашдан аввал Чироқчи тумани прокурори лавозимида ишлаб келаётган эди. У ҳуқуқни муҳофаза қилиш органларидаги бой тажрибаси билан танилган. Эндиликда Жасур Турсунов Қарши туманини ижтимоий-иқтисодий ривожлантириш, аҳоли муаммоларини ҳал этиш ва ҳудудда бунёдкорлик ишларини жадаллаштириш бўйича масъулиятни ўз зиммасига олади.
Ушбу тайинлов ҳудуд бошқарув тизимини янада такомиллаштириш ҳамда туман салоҳиятини юксалтириш мақсадида амалга оширилди. Маҳаллий аҳоли ва жамоатчилик вакиллари янги раҳбарнинг фаолиятига муваффақиятлар тилаб қолишди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
