Давлат хавфсизлик хизмати ходимлари томонидан Бухоро ва Сурхондарё вилоятларида ўтказилган тезкор тадбирда катта миқдордаги гийоҳванд моддалар аниқланди.
Маълум қилинишича, операцияда божхона идоралари ҳам иштирок этган ва ноқонуний айланмага киритилган опий мусодара қилинган. Бухоро шаҳрида яшовчи, муқаддам наркотик жиноят учун судланган шахс бошқараётган “Lacetti” автомобили Когон туманида тўхтатилган.
Текширув жараёнида автомобилнинг мотор қисмидаги ҳаво фильтри остига яширилган 993 грамм опий топилиб, далил сифатида расмийлаштирилган. Суриштирувлар давомида ушбу шахс моддани Термиз туманида яшовчи бошқа шахсдан олгани маълум бўлган.
Кейинги тезкор тадбирда мазкур шахс ҳам қўлга олинган. Унинг ёнидан 5 килограмм ва яшаш манзилидан яна 7 килограмм опий гийоҳвандлик воситаси топилиб, мусодара қилинган.
“Zamin”ни Telegram'да ўқинг!
