Тошкент ҳайвонот боғида лемур боласи дунёга келди ва у диққат марказида

Тошкент ҳайвонот боғида лемур боласи дунёга келди ва у аллақачон меҳмонлар диққатини тортмоқда. Маълум қилинишича, лемурларнинг ҳомиладорлик даври нисбатан қисқа бўлиб, тахминан 4–5 ойни ташкил этади.

Туғилгандан сўнг бола онасидан деярли ажрамайди. У аввал онасининг қорнига ёпишиб олади, кейин эса орқа қисмига ўтиб олади. Бу жараён боланинг кучли чангалловчи панжалари туфайли амалга ошади.

Айнан шу хусусиятлар ёрдамида лемур болалари ёввойи табиатда омон қолади.

Энди эса бу ноёб ҳолатни ҳайвонот боғида бевосита кузатиш мумкин.