Тошкент вилоятида мотоцикл ҳайдовчиси 15 ёшли қизни уриб юборди
Тошкент вилоятининг Олмалиқ шаҳридаги Амир Temuр кўчасида 2003 йилда туғилган мотосикл ҳайдовчиси йўлнинг белгиланмаган жойидан ўтаётган 15 ёшли қизни уриб юборди. Оқибатда вояга етмаган пиёда турли тан жароҳатлари олиб, шифохонага олиб кетилди ва ҳозирда мазкур ҳолат юзасидан суриштирув ишлари олиб борилмоқда.
Тошкент вилоятининг Олмалиқ шаҳрида мотоцикл иштирокида йўл-транспорт ҳодисаси юз берди. Маълумотларга кўра, воқеа Амир Темур кўчасида содир бўлган.
2003 йилда туғилган ҳайдовчи мотоцикл бошқариб кетаётган вақтда йўлнинг белгиланмаган жойидан ўтаётган 2011 йилда туғилган қизни уриб юборган. Ҳодиса оқибатида вояга етмаган пиёда турли тан жароҳатлари билан шифохонага олиб кетилган.
Айни пайтда мазкур ҳолат юзасидан суриштирув ишлари олиб борилмоқда. Ижтимоий тармоқларда қиз икки оёғидан айрилгани ҳақида хабарлар тарқалган, бироқ расмий идоралар бу маълумотга ҳозирча изоҳ бермаган.
Эслатиб ўтамиз, 12 май куни ҳам айнан Амир Темур кўчасида икки нафар бола автомобиль уриб кетиши оқибатида жабрланган эди. Уларнинг бири кейинчалик вафот этгани хабар қилинган.
Изоҳлар 0
…