Тошкентда мотоцикл учта транспорт иштирокида аварияга учради

Тошкент шаҳри Миробод туманида мотоцикл, GAZ-5312 ва KIA K5 иштирокида оғир йўл-транспорт ҳодисаси содир бўлди. Авария оқибатида мотоцикл бошқарган 21 ёшли йигит вафот этди.

Тошкент шаҳар ИИББ ЙҲХБ маълумотига кўра, воқеа 25 сентябрь куни соат 22:45 да Кичик ҳалқа автомобиль йўлининг 83-мактаб қаршисидаги қисмида юз берган.

Дастлабки маълумотларга кўра, 2005 йилда туғилган Ж.Ш. мотоциклда ҳаракатланиб кетаётганда оралиқ масофани сақламаган. Натижада у ўзи билан бир йўналишда ҳаракатланган, 1994 йилда туғилган Т.Л. бошқарувидаги GAZ-5312 русумли транспорт воситасига бориб урилган.

Тўқнашувдан сўнг мотоцикл ҳайдовчиси бошқарувни йўқотиб, қарама-қарши томондан келаётган 2001 йилда туғилган Ш.С. бошқарувидаги KIA K5 автомобили билан ҳам тўқнашган.

Йўл-транспорт ҳодисаси натижасида мотоцикл ҳайдовчисига воқеа жойида биринчи тез тиббий ёрдам кўрсатилган. Шунга қарамай, у шифохонанинг жонлантириш бўлимида вафот этган.

Мазкур ҳолат юзасидан Жиноят кодексининг 266-моддаси тегишли бандлари билан жиноят иши қўзғатилган. Айни пайтда ҳуқуқни муҳофаза қилувчи органлар томонидан тергов ҳаракатлари олиб борилмоқда.