Салафандан тайёрланган либослар интернетда муҳокамаларга сабаб бўлди

Ижтимоий тармоқларда оддий салафандан тайёрланган ноодатий либослар акс этган видео кенг тарқалмоқда.

Кадрларда футболка ва шимлар оддий салафан материалидан тайёрлангани кўринади. Ғайриоддий ғоя ва ўзига хос дизайн интернет фойдаланувчиларининг эътиборини тезда жалб қилган.

Айримлар бундай либосларнинг креатив кўринишига қизиқиш билдирган бўлса, бошқалар салафандан тайёрланган кийимда юриш қанчалик қулай ва амалий экани ҳақида баҳслашмоқда.

Видео қисқа вақт ичида катта қизиқиш уйғотиб, ижтимоий тармоқларда турли хил фикрлар ва муносабатларга сабаб бўлди.