Бухорода бола бошини бетон тешигига тиқиб, чиқара олмай қолди (видео)

Бухоро шаҳрида бола эҳтиётсизлик оқибатида бошини бетон конструкциядаги тешикка тиқиб қўйиб, уни мустақил равишда чиқара олмай қолган.

Ҳодиса 3 август куни шаҳардаги турар жой массивларидан бирида содир бўлган. Вазиятдан хабар топилгач, воқеа жойига Бухоро вилояти Фавқулодда вазиятлар бошқармаси қутқарувчилари етиб келган.

Мутахассислар махсус асбоб-ускуналар ёрдамида бетон конструкциясини эҳтиёткорлик билан бўшатиб, боланинг бошини тешикдан чиқариб олишган. Қутқарувчиларнинг тезкор ҳаракати туфайли бола хавфсиз тарзда қутқариб қолинган.