Шифобахш, тоза асал кимга ёқмайди, дейсиз. Аммо, бир пиёла асал олиш учун миллионлаб арилар тинимсиз меҳнат қилиши керак бўлади. Бундан ташқари, ариларнинг нишидан қўрқмайдиган асаларичиларга ҳам балли, дейиш керак...
Орифжон ака Илёсов Сирдарё вилоятида яшайди. Ўттиз беш йилдан бери асаларичилик билан шуғулланиб келади. Уни асаларилар билан “оға-ини” тутинган ҳам дейиш мумкин. Энг ҳайратланарлиси, у асалариларнинг нишидан зиғирча қўрқмайди. Суратда кўриб турганингиздек, юз-кўзларини асалари қоплаб олган бўлса-да, биз билан бемалол суҳбатлаша олди.
— Орифжон ака, ўзингизни қандай ҳис қиляпсиз?
— Одатдагидек, бироз ноқулай-ку, лекин хотиржамман.
— Асалари чақиши одам ҳаёти учун хавфли эмасми?
— Аллергияси бор одамлар учун жуда хавфли. Соғлом одамни ҳам бирваракайига 50-60 та ари чақса, ҳушидан кетиб қолиши мумкин. Лекин бизнинг касбимиз шунақа. Асаларининг нишига дош беролмайдиган одам асаларичи бўлиши қийин.
— Ҳозир бошингизда қанча асалари тўпланган?
— Сонини аниқ айтолмайман, лекин умумий оғирлиги саккиз килограммга боради.
— Бу нима ўзи? Шунчаки қизиқишми, соғломлаштириш машғулотими?
— Ҳар иккаласи. Чунки асалари ёрдамида ультрабинафша нурлари бош миядаги турли иллатларни йўқотишга ёрдам беради.
— Асалнинг ясамаси билан ҳақиқийсини қандай ажратса бўлади?
— Битта пиёлага қайноқ сув қуйиб, унга бир қошиқ асал аралаштирганимизда, унинг ҳиди, таъми ўзгармаса, демак, у ҳақиқий асал ҳисобланади.
Дарвоқе, Ориф ака асаларига чақтириш бўйича турли беллашувларни ҳам ташкил этиб туради. Энг бардошли иштирокчига асал берилади. Сиз ҳам бардошингизни синаб кўрмоқчимисиз, Сирдарёга бораверинг!
Манба: Darakchi.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Фронтдаги вазият: Россия ҳарбийлари Курск областида қарши ҳужумга тайёрланмоқда
Украина ҚК бош қўмондони: “Фронтдаги вазият мураккаб ва кескинлашиши мумкин”
Трамп Путинга қўнғироқ қилиб, Украинадаги урушни муҳокама қилди
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Трампнинг ўғли Зеленский яқин орада «нафақадан» маҳрум бўлишини ёзди
