Россия президенти Владимир Путин МДҲ давлатлари хавфсизлик идоралари ва махсус хизматлари раҳбарлари билан учрашди. Учрашувда Ўзбекистон Миллий хавфсизлик хизмати раиси Рустам Иноятов ҳам иштирок этди.
“Айтишни истардимки, хавфсизлик идоралари ҳамиша, шу жумладан халқларимиз учун мураккаб вақтларда ҳам жуда муҳим давлат вазифаси – мамлакат манфаатларини ва унинг фуқароларини ташқи тажовузлар, турли хил суистеъмолликлар, террорчилик, уюшган жиноятчиликдан ҳимоя қилган ва жиддий йўқотишларга учраган”, деб айтди Путин учрашув бошида.
Учрашув давомида Путин МДҲ давлатлари Сурияда ИШИД жангарилари яксон қилингандан кейин қолган бошқа террорчилар қаерга қайтиши ва қочишига бефарқ эмаслигини таъкидлаб ўтди.
“Террорчиликка келсак, бу ерда сизга ҳеч нарса айтиш шартмас, сиз ҳаммасини ўзингиз ҳам яхши биласиз. Бу йўналишлар бўйича айнан сизлардан зарур маълумотларни оламиз. Биз учун бу борада нима юз бераётганини кузатиш жуда муҳимдир. Дунёда вазият жуда кескинлашиб кетди ва сизга маълум бўлгандек, Россия қуролли кучларининг Суриядаги самарали ҳаракатларидан кейин бу террорчилар қаерга қайтиши ва қочишига биз бефарқмасмиз. Биз бу газандалар қаерга кўчиб ўтаётганини тушунамиз ва бу “кўчиб ўтишлар” давлатларимиз ва халқларимиз учун қандай хавф туғдиришини биламиз. Шунинг учун бу борада ҳамкорлик қилишимиз муҳимдир”, деб ўз сўзларини давом эттирган Путин.
“Биз доимо тўқнаш келадиган уюшган жиноятчилик, ноқонуний миграция ва бошқа муаммоларга келсак, бу ҳам сизнинг жавобгарлигингиз доирасига киради. Иш мураккаб, оғир, афсуски, йўқотишларсиз эмас. Бироқ бунинг барчаси бежизга қилинмайди, бунинг барчаси давлатларимизни ичидан ва бирдамлигимизни мустаҳкамлайди”, деб айтган Путин.
Россия президенти махсус хизматлар раҳбарларига ҳамкорлик ва тақдим қилинаётган маълумотлар учун миннатдорлик билдирди.
“Биз ҳам сизларни ўз вақтида хабардор қилиш учун барча ишни амалга оширамиз. Ва сиз билан бирга, шу пайтгача бўлгандек, давлатларимиз ва одамларимиз хавфсизлигини таъминлаш учун барча зарурий тадбирларни амалга оширамиз”, деб таъкидлаб ўтган Путин.
Путин сўзлари якунида ҳамма йиғилганларга миннатдорлик ва келгусида ҳам самарали иш олиб борилишига умид билдирди.
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Рууд ван Нистелрой ва яна уч мураббий “Манчестер Юнайтед”ни тарк этди
